ثورتك يحسين منهاج الحياة بيها عاش الدين زاهي بكل ثبات
ثورتك يحسين منهاج الاوصول
تاهت الافكار بيه والعقول
بيك عاد الدين ينمو بلا ذبول
بثورتك الاحكام ثبتت والصلاة
##################
ثورتك يحسين منها شكد قيم
وصلتنه وبيها ثبتّنا القدّم
والعقول تنورت من الوهم
بنورك تنورت وصارت زاهيات
##################
ثورتك نور الرساله والعدل
واللزم بالنور عمره مايظل
والمشى وياه روحه تتصل
بالجنان وماتصيبه النايبات
##################
عاشر بعاشور ننساه مستحيل
ومن يمر هاليوم دمع بدم يسيل
شرد اوصّف والوصف والله قليل
وياك يابو اليمه تحلى الكلمات
#################
وياك نبقى وبالعهد متمسكين
مايغيرنا الدهر ثبتنا اليقين
والقلب والروح تصرخ ياحسين
منو غبرك النا يا فلك النجاة
####################
من تمر يحسين ذكرى ثورتك
الارض والسما تبجي لغربتك
والقلب ينزف دمه على مصيبتك
وعاى الصابك يبو اليمه على الفرات
#####################
شلون ننسى اللجره بيوم الطفوف
شلون ننسى المشرعه وننسى الجفوف
شلون ننسى حالتك بين الالوف
تريدك تبايع صحت لا للبغاة
################
لا كلتها وثنتت بيها الشرع
لا كلتها وغيرت بيها الوضع
وتضل هالكلمه تدّوي وتنسمع
خالده تبقى رغم هالعاديات
#####################
سيدّي لو اخرتني هالسنين
وما كنت من صحت بالطف يا معين
لبكي وانزف دمه لحد ماتحين
طلعة المهدي ونثور على الطغاة
#################
الان رجعت من حضرة الامام الحسين(ع) والمنظر رهيب ودعوت لكم ولكل .من لم يستطيع الحضور عنده